Мектепке дейінгі ұйымға педагогты қалай қабылдау керек

Мектепке дейінгі ұйымға педагогты қалай қабылдау керек

Педагогтарды мектепке дейінгі ұйымға қабылдау конкурс өткізуді және қосымша құжаттар сұратуды талап етеді.  

Қандай құжаттарды дайындау керек?

Егер педагог жұмыс іздеп жүрсе, ол жаңартылған заңнамаға сәйкес өз лауазымына қандай қосымша талаптар қойылатындығын нақты білуі керек.

Қызметкерді педагогикалық лауазымға қалай қабылдау керек

2022 жылдан бастап педагогтарды жұмысқа қабылдау конкурс және нақты, өлшенетін өлшемшарт өткізу арқылы жаңа форматта жүргізіледі, яғни бос орын пайда болған кезде бос немесе уақытша бос лауазымға конкурс жарияланады. Аталған жаңа талаптар ҚР БҒМ 2012 жылғы 21 ақпандағы № 57 «Мемлекеттік білім беру ұйымдарының бірінші басшылары мен педагогтарын лауазымға тағайындау, лауазымнан босату қағидаларын бекіту туралы» бұйрығында жазылған.

Осылайша, енді жұмысқа орналасу кезінде үміткер-педагог конкурсқа қатысу туралы өтініш береді.

 Ол өзінің бағалау парағын қоса береді, онда барлық жетістігі, нәтижелері, еңбек өтілі, әкімшілік немесе әдістемелік қызмет тәжірибесі,курстық дайындық және т.б. көрсетіледі. Әрбір бағыт бойынша кандидат белгіленген өлшемшарт пен осы өлшемшартты бағалау шкаласына сәйкес өз бағасын дербес қояды.

Конкурстық комиссия құжаттарды қабылдау аяқталған күннен кейін бес жұмыс күні ішінде баллдың растайтын құжаттарға сәйкестігін тексереді және осыдан кейін баллдың түпкілікті сомасын бекітеді. Бос жұмыс орнын баға саны көп үміткер алады.

Педагогикалық лауазымға конкурсты қалай ұйымдастыру керек

Конкурсты ұйымдастыру тәртібі келесі кезеңдерді қамтиды:

1. конкурс өткізу туралы хабарландыруды тиісті деңгейдегі білім беруді басқару органының немесе балабақшаның әлеуметтік желілерінің ресми аккаунтында немесе интернет-ресурсында орналастырылады;
2. конкурсты өткізу күні мен орны анықталып, конкурстық комиссия құрылады;
3. конкурсқа қатысуға ниет білдірген үміткерлерден құжаттарды қабылданады;
4. үміткерлердің құжаттарын біліктілік талаптарына сәйкестігі тексеріледі;
5. конкурстық комиссияның қорытынды отырысы өткізіледі.

Конкурстық комиссия — бұл комиссияның кемінде бес мүшесінен, оның ішінде конкурстық комиссия мүшелерінің арасынан сайланатын төрағадан тұруға тиіс алқалы орган. Конкурстық комиссияның құрамына білім беру ұйымы әкімшілігінің өкілдері, әдістемелік кабинеттердің немесе білім беру ұйымдарының әдіскерлері, білім беру саласындағы азаматтық қоғам өкілдері, білім беру бөлімінің мамандары, педагогтары енгізіледі

Сондай-ақ конкурстық комиссияның құрамына басқа білім беру ұйымдарының өкілдерін олардың келісімі бойынша енгізуге болады.

Конкурстық комиссияның хатшысы конкурстық комиссияның отырыстарын ұйымдастырады, оның мүшесі болып саналмайды.

Конкурсқа қатысу үшін педагогтен қандай құжаттар талап етіледі

Конкурсқа қатысуға үміткер педагогтар келесі құжаттарды ұсынуы керек:

1. қоса берілетін құжаттардың тізбесін көрсете отырып конкурсқа қатысу туралы өтініш;
2. жеке басты куәландыратын құжат немесе цифрлық құжаттар сервисінен электрондық құжат (сәйкестендіру үшін);
3. кадрларды есепке алу бойынша толтырылған жеке іс парағы (нақты тұрғылықты мекенжайы және байланыс телефондары көрсетілген – бар болса);
4. Педагогтардың үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
5. еңбек қызметін растайтын құжаттың көшірмесі (бар болса);
6. денсаулық жағдайы туралы анықтама;
7. психоневрологиялық ұйымнан анықтама;
8. наркологиялық ұйымнан анықтама;
9. сертификаттаудан өту нәтижелері туралы сертификат немесе педагог-модератордан төмен емес қолданыстағы біліктілік санатының болуы туралы куәлік (бар болса);
10. бос немесе уақытша бос педагог лауазымына үміткердің толтырылған бағалау парағы.
11. Тәжірибесі жоқ үміткердің бейнепрезентациясы кемінде 15 минут, ең төменгі ажыратымдылығы – 720 x 480.

Комиссия құжаттарды қабылдау аяқтаған күннен кейін бес жұмыс күні ішінде құжаттарды біліктілік талаптарына сәйкестігін қарайды. Қарау нәтижелері бойынша комиссия үміткердің бағалау парағында көрсеткен ұпайларын есептейді. Конкурс қорытындысы бойынша конкурстық комиссия алынған балдар негізінде шешім қабылдайды. Ең көп балл жинаған үміткер конкурстан өткен болып есептеледі және бірінші басшыға тағайындауға ұсынылады.

Үміткерлерде балл саны тең болған кезде әңгімелесу жүргізу керек, оның нәтижелері бойынша тағайындауға үміткер айқындалады.

Конкурстық комиссия өз шешімін хаттамамен ресімдейді, оған комиссия төрағасы мен мүшелері, сондай-ақ хаттамалауды жүзеге асыратын хатшы қол қояды. Конкурс нәтижелері білім беру ұйымыныі Интернет-ресурсында, конкурстық комиссияның қорытынды отырысы өткізілетін күні ұйымның әлеуметтік желілерінің ресми аккаунттарында жарияланады.

Содан кейін біліктілік талаптарына сәйкес келетін және конкурстық комиссияның оң қорытындысын алған үміткермен басшы еңбек шартын жасасады және жұмысқа қабылдау туралы бұйрық шығарады.